«Մանչեստեր Յունայթեդը» հայտնի է նաև «Կարմիր Սատանաներ» (The Red Devils) անվանման տակ: Բնականաբար հարց է առաջանում, թե ինչ՞ու: Մի գուցե ակումբը հիմնել են Սալֆորդի սատանիստները: Պատասխանը՝ ոչ (չնայած որ նախկինում, երբ ակումբը կոչվում էր «Նյութոն Հիթ» նրանց անվանում էին «the Heathens» - «հեթանոսներ», ինչը նույնպես կրոնասիրական չեր հնչում): 1902թ. անվանումը փոխելուց հետո «Մանչեստեր Յունայթեդին» ուղղակի ասում էին “the Reds” կամ «Յունայթեդ», մինչև որ 50-ականներին մամուլը չկոչեց նրանց «Բասբիի Մանուկներ»: Սակայն 1958թ. Մյունխենի ողբերգությունից հետո այդ անվանումը անպատեհ դարձավ:



60-ականների սկզբին Սալֆորդի ռեգբիի ակումբը ճանապարհորդում էր Ֆրանսիայով և ստացավ «Կարմիր Սատանաներ» անվանումը: Սեր Մեթ Բասբիին շատ դուր եկավ այդ բառակապակցությունը, որն ավելի զարհուրեցնող էր, քան «Բասբիի Մանուկները»: Նա հրապարակայնորեն հայտարարեց, որ հետ այսու ակումբն անվանվելու է «Կարմիր Սատանաներ» և շուտով սատանայի խորհրդանշանը սկսեց հայտնվել ծրագրերի ու վզարկուների (շարֆերի) վրա: 1970թ. ակումբի նշանը փոխվեց ու նրա վրա պատկերվեց եռաժանին ձեռքին փոքրիկ անպատկառ սատանան:

Ի սկզբանե ակումբի խորհրդանշանը՝ Մանչեստեր քաղաքի զինանշանն էր: 60-ականների կեսերին այն նմանվեց ներկայումս մեզ հայտնի խորհրդանշանին, բայց սատանայի փոխարեն այնտեղ երեք դեղին անկյունագիծ էր: Այստեղ կարող էք տեսնել «ՄՅու»-ի խորհրդանշանի զարգացման պատմությունը:



Մարզաշապիկների վրա սատանայով խորհրդանշանն առաջին անգամ հայտնվեց 1973թ. Այդ ժամանակից այն մնացել է գրեթե անփոփոխ (թեև «Ֆուտբոլային ակումբ» բառերը ստիպված եղան հանել՝ ամենամոլեգին երկրպագուների դժգոհության պատճառով) և դարձել է աշխարհում ամենաճանաչված առևտրային մակնիշներից մեկը: Վերջերս ակումբը ներկայացրեց պաշտոնական խաղային թալիսմանը՝ Կարմիր Ֆրեդին – հսկայական Կարմիր սատանային (որն, ի դեպ, ունի իր հայտնի մանկական ապրանքների գիծը):



Հարց է ծագում. Եթե «Յունայթեդն» իսկապես Սատանայի հետ դավադրության մեջ է, ապա ինչ՞ու են նրանք այդքան հաջողակ, իսկ «Սաուտհեմպտոնը» (Բարեպաշտները) և «Էվերտոնը» (Եկեղեցին սահմանակցվում է ստադիոնին) մի բանի պիտանի չեն: Ի վերջո, չ՞է որ Աստված պետք է հաջողությամբ շնորներ նրանց: Իհարկե, «Մանչեստեր Յունայթեդն» իր քահանան ունի՝ տեր հայր Ջոն Բոյերսը: Կարծես թե նա լավ է կատարում իր աշխատանքը, ապահովելով խաղերի վերջին րոպեներին գոլերի այս անսպառ պաշարը...