Եթե չլինեին Լանկաշիրյան ու Յորքշիրյան երկաթուղու (LYR) բանվորներն՝ ապա կարող էր և չլինել մեծն «Մանչեստեր Յունայթեդ» ակումբը: Newton Heath LYR ֆուտբոլային ակուբը ստեղծել են վագոնային բանվորները մի կեղտոտ թաղամասում՝ մոտավորապես 1878 թ-ին (ակումբի ստեղծման տարեթվի մասին ավելի ստույգ տեղեկություններ չկան):



Որպես «Հեթանոսներ» («The Heathens») հայտնի խաղացողները սիրում էին ֆուտբոլը, նրանցից շատերը ստիպված էին վճարել խաղալու հնարավորության համար, և նման խանդավառությունն իրենց ապահովեց թաղամասի լավագույն ակումբներից մեկի համբավը: Շուտով նրանք լավագույնը դարձան իրենց շրջանում և մրցակիցներին սկսեցին փնտրել տնից հեռու: Երբ 1895թ. օրինականացրեցին պրոֆեսիոնալիզմը՝ հնարավոր դարձավ ներգրավել բարձրակարգ խաղացողների, քանի որ ակումբը կարող էր նրանց զգալի բոնուս առաջարկել՝ երկաթուղում աշխատանքի տեսքով:



1892թ. Newton Heath-ն իր տեղը գրավեց Ֆուտբոլային Լիգայում ն դարձավ սահմանափակ պատասխանատվությամբ ընկերություն: Ի սկզբանե խաղերն անցնում էին North Road դաշտում, որը գտնվում էր կավի հանքի հետևվում, իսկ հանդերձարանները տեղակայված էին «Երեք Թագ» («The Three Crowns») տեղական փաբում: 1893թ. ակումբը տեղափոխվեց Կլեկտոնի Bank Street, շտաբը գտնվում էր փայտե տնակում (բարաքում), դաշտը շրջափակված էր քիմիական գործարանի բարձր խողովակներով ու պատերով, իսկ գործարանի աշխատանքի պատճառով խաղերի ժամանակ հաճախ ամեն ինչ սև ծխով էր պատված:



Տարիներ շարունակ ամեն ինչ անցնում էր առանց որևէ հաջողությունների: Newton Heath-ի համազգեստն այն ժամանակ կիսադեղին էր կիսականաչ, հետո դարձավ ամբողջությամբ սպիտակ և «V» տառով: Անցան երկու միջակ մրցաշրջաններ առաջին դիվիզիոնում և ութ անհաջողը՝ երկրորդում: 1902թ. ակումբը հայտնվեց սննակության շեմին և ամեն ինչ շատ վատ կավարտվեր, եթե չկայանար մի պատահական հանդիպում, որը փոխեց պատմության ընթացքը:



Ակումբի տնօրեն Հարրի Սթաֆֆորդի կազմակերպած աճուրդի ժամանակ (որի օգնությամբ նա փորձում էր 1000 ֆունտ հայթհայթել ակումբը փրկելու համար) կորավ նրա շունը: Պարզվեց, որ նա հասցրել է ծանոթանալ տեղական բիզնեսմեն Ջոն Դևիսի հետ ու երբ Հարրին եկավ շան հետևից նրան հաջողվեց համոզել Դևիսին ներդրումներ կատարել ակումբի մեջ: Տեղական մի խումբ բիզնեսմենների հետ համատեղ Դևիսը վճարեց ակումբի պարտքերը և 1902թ. նոր ակումբ հիմնեց: Մարզաշապիկները դարձան կարմիր, շորտերը՝ սպիտակ, զանկապանները՝ սև, իսկ անվանումը (իհարկե շնորհիվ Լուի Ռոքի) դարձավ «Մանչեստեր Յունայթեդ»:



Մնացածն, ինչպես ասում են, արդեն պատմություն է, թեև զվարճալի է, որ աշխարհի ամնեհզոր ակումբներից մեկը 1000 ֆունտ պարտքի պատճառով կարող էր վախճանվել ու եթե Հարրի Սթաֆֆորդի շունը չորոշեր միքիչ ման գալ, ապա հիմա դուք ինտերնետում չէիք կարդա այս հոդվածը «Մանչեստեր Յունայթեդի» մասին: