Բանը նրանում է, որ թիմը հաջորդ մրցաշրջանի համար մարզահագուստի նոր դիզայն է մշակել:

Վերջին հինգ տարիների ընթացքում «Մանչեսթեր Յունայթեդն» արդեն հինգերորդ անգամ է փոխում իր մարզահագուստը, ընդ որում վերջինն արժե մոտ 100 ֆունտ:

Այսպիսով, նոր մարզաշապիկները մեծ հարված կհասցնեն թիմի երկրպագուների գրպաններին, մինչդեռ դրանց արտաքին տեսքը ամենևին էլ չի ուրախացրել ֆուտբոլասերներին: Արտադրող ընկերությունը հրաժարվել է «Մանչեսթեր Յունայթեդի» համար դասական կարմիր գույնից: Այժմ այդ կարմիրի վրա սև վանդակներ են հայտնվել, իսկ պարանոցի հատվածը նման է անգլերեն V տառին:

«Նոր մարզաշապիկները պարզապես զզվելի են, - «կարմիրների» 39-ամյա երկրպագու Դեյվ Ռոբերտսի խոսքերն է մեջբերում The Mirror-ը, - ես չգիտեմ` ինչու են նրանք հրաժարվել դասական ոճից: Ֆուտբոլիստները չեն կարողանա տարբերել միմյանց խաղադաշտում»:

Նոր մարզահագուստը պետք է ներկայացվեր այս տարվա մայիսին, սակայն այն պատահաբար հայտնվել է համացանցում: Youtube-ում տեղադրվել է մարզահագուստի օգտագործմամբ մի տեսահոլովակ, որն անմիջապես հազարավոր բացասական արձագանքներ է հավաքել:

Թե ինչպես է այն հայտնվել համացանցում` պարզ չէ: «Մանչեսթեր Յունայթեդի» մամուլի ծառայությունը հրաժարվում է մեկնաբանություններից:

armsport.am