Դանիել Ուելբեքը ծնվել է 1990թ. նոյեմբերի 26-ին Մանչեստերում` Գանայից գաղթած ընտանիքում: Նա «Մանչեստեր Յունայթեդ» եկավ 2005/06 մրցաշրջանում և իր դեբյուտը կայացավ ակումբի պատանեկան թիմի կազմում` 2006թ. ապրիլի 8-ին «Սանդերլենդի» դեմ խաղոմ: Հետագա երկու հանդիպումներում նա փոխարինման էր դուրս գալիս, իսկ մրցաշրջանի վերջին խաղերում մնաց պահեստայինների նստարանին: Սակայն արդեն մյուս տարի նա 28 խաղ անցկացրեց երիտասարդական թիմում և խփեց 9 գնդակ:

2007թ. հուլիսին Դաննին պայմանագիր ստորագրեց «Յունայթեդի» հետ և 2007/08 մրցաշրջանը սկսեց մինչև 18 տարեկանների թիմում, սակայն շատ շուտ դարձավ ակումբի պահեստայինների թիմի անդամ` մի քանի անգամ փոխարինման դուրս գալով կարևոր հանդիպումներում: Նրա խաղային գործընթացն աննկատ չմնաց ու 2008 թ. հունվարին նա «Կարմիր Սատանաների» հիմնական կազմի հետ ուղևորվեց Սաուդյան Արաբիա` Սամի Ալ-Ջաբերի հետ հրաժեշտի խաղին, որտեղ Անգլիայի չեմպիոնները հանդիպեցին «Ալ Հիլալ» ակումբի հետ: 2008թ. հունվարի 21-ն կայացավ Ուելբեքի դեբյուտը հիմնական կազմում, երբ նա փոխարինեց Անդերսոնին «Ալ Հիլալի» հետ խաղի 65-րդ րոպեին: Երիտասարդ հարձակվողն ուներ բոլոր հնարավորությունները ոչ-ոքի բերել իր թիմի համար, երբ նրան գցեցին տուգանային հրապարակում հանդիպման վերջին րոպեին, բայց երիտասարդը տասնմեկ մետրանոց նշանից գնակը նետեց դարպասից բարձր: 2008թ. հունվարի 25-ին Ֆերգյուսոնը հայտարարեց, որ մինչև մրցաշրջանի ավարտն Ուելբեքը համարվում է հիմնական կազմի խաղացող, բայց նրան էլ դաշտ չհանեց, թեև մրցաշրջանի արդյունքներով Ուելբեքը դարձավ ակումբային պատվավոր մրցանակի նվաճող, որպես տարվա լավագույն երիտասարդ ֆուտբոլիստ:

«Մանչեստեր Յւոնայթեդի» կազմում Ուելբեքը լիարժեք դեբյուտ ունեցավ 2008թ. սեպտեմբերի 23-ին`«Միդլսբորոյի» դեմ Լիգայի Գավաթի խաղում: Այդ հանդիպմանը «մանկունիանցիները» հաղթեցին 3-1 հաշվով, բայց Ուելբեքին չհաջողվեց գոլ խփել, թեև նա շատ մոտ էր դրան խաղի 3-րդ րոպեին: Լիգայի Գավաթի հաջորդ տուրում «Քուինզ Պարկ Ռեյնջերսի» դեմ խաղում նա 72-րդ րոպեին փոխարինեց Ռոդրիգո Պոսեբոնին ու արդեն մի քանի րոպե անց տաանմեկ մետրանոց վաստակեց, որը վստանորեն իրականացրեց Կարլոս Տևեսը, թիմին բերելով նվազագույն 1-0 հաղթանակը:

2008թ. նոյեմբերի 15-ն կայացավ Դաննիի դեբյուտը Պրեմիեր Լիգայի խաղերում` «Սթոկ Սիթիի» դեմ հանդիպմանը նա 63-րդ րոպեին փոխարինեց կորեացի Պարկին: Երիտասարդ հարձակվողն իր դեբյուտը նշեց գեղեցկությամբ հազվադեպ գոլով` 30 մետրից գրավևլով հակարակորդի դարպասը: Նա նաև աչքի է ընկել Անգլիայի Գավաթում «Սաութհեմպտոնի» և «Դերբի Քաունթիի» դարպասը խփած գոլերով: