Քրիստոֆեր Լլոյդ Սմոլլինգը ծնվել է 1989թ. նոյեմբերի 22-ին: 9 տարեկան հասակում Քրիսը սկսել է ֆուտբոլ պարապել Walderslade Boys-ի կազմում: Հետագայում, չկարողանալով տեղ զբաղեցնել ֆուտբոլային ակադեմիաներից ոչ մեկում, նա, այնուամենայնիվ, շարունակում էր խաղալ և հանդես էր գալիս դպրոցական մակարդակով` Քենտ կոմսության հավաքականի կազմում:

2008թ. հունիսին Սմոլլինգը պայմանագիր կնքեց լոնդանյան «Ֆուլհեմի» հետ: 2008/09 մրցաշրջանում պտանի կենտրոնական պաշտպանը լավ տպավորություն թողեց իր խաղով և 2009թ. մայիսի 24-ին «Էվերտոնի» դեմ մրցաշրջանի վերջին հանդիպմանը Ռոյ Խոջսոնը նրան դաշտ հանեց 77-րդ րոպեինԱհարոն Հյուզի փոխարեն: Այդ խաղն ավարտվեց ,Էվերտոնի» օգտին (2-0): 2009թ. սեպտեմբերի 17-ին կայացավ Քրիսի դեբյուտը «Ֆուլհեմի» հիմնական կազմում` Եվրոպայի Լիգայի հանդիպմանը Սոֆիայի «ՑՍԿԱ»-ի դեմ, որը ոչ-ոքի ավարտվեց (1-1): 2009թ. դեկտեմբերի 28-ին Սմոլլինգը հանդես եկավ «Սթեմֆորդ Բրիջում» «Չելսիի» դեմ, որն ավարտվեց «կապույտների» հաղթանակով և ի դժբախտություն Քրիսի նա այդ խաղում գոլ խփեց սեփական դարպասը:

2010թ. հունվարի 26-ին «Մանչեստեր Յունայթեդը» հայտարարեց Քրիս Սմոլլինգի հետ պայմանագիր կնքելու մասին: