- Ինչպիսի՞ առաջին տպավորություն գործեզ ձեզ վրա Ալեքսը:

Ես մինչ այժմ հիշում եմ այն օրը, երբ նա ժամանեց “Օլդ Թրաֆֆորդ”: Այն ժամանակ ակումբի հանդերձանքի պատասխանատու Նորման Դևիսը մտավ գրասենյակ և ասաց, որ նա բռնկուն բնավորությամբ և մեծ վարկանիշով մասնագետ է Շոտլանդիայից: Ջոի ու Նորմանի ժամանակ բավականաչափ մենեջերներ էին եկել ու գնացել, այդ իսկ պատճառով այդ փաստին նրանք առանձնապես ուշադրություն չդարձրեցին, իսկ ես ինքս ինձ մտածեցի “Աստված իմ”: Հիշում եմ, երբ նրանք Արչիի հետ աստիճաններով բարձրանում էին դեպի գրասենյակ, ես լսեցի նրա ձայնը և մտածեցի, որ շատ հաճելի տեմբր ունի: Ալեքսը ներս մտավ, շատ հանգիստ ներկայացավ բոլորին. լրագրողների պատկերած մարդու հետ նա որ մի ընդհանուր բան չուներ: Նա կարծես թե օդի թարմ շունչ լիներ: Ալեքսը գիտեր, որ առջևում ծանր աշխատանք կա անելու և որ նա հրավիրված էր, որպեսզի բոլոր հնարավոր ու անհնար միջոցների օգնությամբ հաղթենք առաջնությունը, իսկ նրա տեսքից զգացվում էր, որ հենց դրա համար է նա եկել:

- Ի՞նչ կասեիք ղեկավար Ալեքսի մասին:

Անկասկած նա հիասքանչ ղեկավար է: Սեր Ալեքսը իր ժամանակը երբեք չի խնայել մեզ հետ խոսելու համար և միշտ հոգ է տարել իր ենթակաների մասին: Նրա բնավորության այդ կողմի մասին կողմնակի մարդիկ գրեթե չգիտեն: Նա շատ սիրալիր է Կարրինգտոն այցելող տարեց մարդկանց և հիվանդ երեխաների հետ, խորհրդի կարիք ունեցող երիտասարդ խաղացողների հետ: Ակումբում գտնվող բոլոր մարդկանց վերաբերվում է որպես ընտանիքի անդամների: Նա սիրում է կրկնել “մենք մի ընտանիք ենք և պետք է հոգ տանենք միմյանց մասին”: Նա վերջերս շատ ծանր տարավ իր վաղեմի սկաուտներից երկուսի մահը, որոնց հետ նա սկսել էր կատարել առաջին քայլերը մարզչական ղեկին: Նա պարզապես հոգ է տանում նրանց մասին, ովքեր նրա կողքին են: 

- Ճի՞շտ է արդյոք, որ առ այսօր նա սիրում է երգել գրասենյակում:

(ծիծաղում է) Օ, այո: Նա միշտ երգում է: Առավոտը նրա մոտ սկսվում է ինչ-որ երգից: Մեզանից շատերը նրա երգելը երբեք չեն լսել, որովհետև նա գալիս է աշխատանքի առավոտյան յոթին, իսկ անձնակազմը սովորաբար 9:30 շուտ չի գալիս: Կարծում եմ, որ նա սկսում է երգել, երբ անցնում է բազայի դարպասներով և հավանաբար մտածում է, որ ինքը լավ երգիչ է (ծիծաղում է):

- Ովքե՞ր են նրա սիրած կատարողները:

Նա շատ է սիրոմ Սինատրա և այդ ժամանակաշրջանի այլ կատարողների: Ընդհանուր առմամբ նա սիրում է տարբեր ժանրեր: Կզարմանաք, բայց նա ունի մինչև վերջին բայթը տարբեր երաժշտություններով լցված iPod: Նա անտարբեր չէ նաև մեծ շոուների և մյուզիքլների նկատմամբ:

- Դուք զարմացա՞ք, երբ նա փոխեց հրաժարականի մասին իր որոշումը:

Ոչ, ես չզարմացա, քանի որ նա ինձ միշտ ասում էր, որ հրաժարականը երիտասարդների համար է, որոնք դրանից հետո կարող են զբաղվել այլ բանով: Դրան ի պատասխան ես ասում էի, որ հրաժարականից հետո մենք կարող ենք գնալ և անել այն ամենը, ինչ չենք կարող անել, ամբողջ օրը օֆիսում գտնվելու պատճառով: Նա պատասխանում էր. “Ոչ, ոչ: Եթե դու զբաղված ես այնպիսի ծանր աշխատանքով, ինչպիսին որ մենք, ապա չես կարող պարզապես վերցնել ու թողնել ամեն ինչ”: Կարծում եմ, որ նա ճիշտ է: Վստահ եմ, որ առավոտյան նա արթնանում է զգացումով, որ իր կյանքն ակումբում հիասքանչ է և դրա համար էլ առավոտյան 7-ին գալիս է աշխատանքի: Նա այն մարդկանցից է, որոնք նման են դպրոցից չուշանալու համար շուտ արթնացող երեխաներին: Զարմանալի է, բայց դա նրա մոտ շարունակվում է ամբողջ կյանքի ընթացքում: Այդպիսին է նրա վերաբերմունքն աշխատանքին: Եվ պետք է ասեմ, որ դա հիասքանչ է, նա մեզ նույնպես վարակեց իր էնտուզիազմով: Դեռ չի եղել գոնե մեկ օր, երբ ես արթնանամ ու մտածեմ, որ պետք է սողալով հասնեմ աշխատանքի: Ընդհակառակը` ես արթնանում եմ ու մտածում. “հետաքրքիր է թե ինչ տեղի կունենա այսօր”: Ասյտեղ օրերն իրար նման չեն անցնում: